從絕種到人類繁衍

睡了一晚，女兒燒退了。本打算給她待在家中好好休息，但孩子總有耗不盡的精力，她猛要求外出。好吧好吧，便帶她到自然教育中心去。
貝殼館內展出了一些瀕危的貝類，媽咪告訴她：你睇下，呢Ｄ貝殼唔好好保育的話，就好快會絕種喇。
她追問何謂「絕種」？媽咪解釋為滅絕的物種。然後，她把這新學的詞語深深記在腦中。
回家的途中，女兒再次提問：乜嘢係絕種？
媽咪再給她解說，又舉例如熊貓，也在面臨絕種的危機。
說著說著，不知怎地把話題拉到生ＢＢ去。
女：我唔鍾意生ＢＢ。
媽：如果個個都唔生ＢＢ，咁人類咪會絕種囉。同埋ＢＢ好得意，小朋友都係上天賜來既禮物。
說罷，媽咪把女兒擁在懷內。
女：咁ＸＸ生唔生ＢＢ？
媽：佢應該唔生喇。
媽咪深深明白給孩子這個答案，跟剛才所說的話題相矛盾。
女：點解唔生？
（女兒的問題顯然愈來愈難答。。。）
媽：ｅｒ。。。有Ｄ人會選擇生ＢＢ，有Ｄ人會選擇唔生ＢＢ；有時候要生ＢＢ又未必係一件容易既事，有時候想生又未必會生到。。。
（遊花園ｍｏｄｅ？！）
女：點解生唔到？
媽：每個人都會面對唔同既問題。
女：咩問題？
媽：人生大大小小既問題。
然後，母女倆便把話題轉到人生其他大大小小的事情上。
執筆之時，媽咪想起兒時最常聽到婆婆給予的答案是：大個你就明。
是的，女兒，大個你就明！但媽咪還是希望在你能理解的範圍內，給你一些解答。但今天你這個提問，於你這個年紀而言，太早！