童話兩則

三歲小童的腦袋，確然跟成人很不同。他們往往沉醉在自己的世界、有時伶牙俐齒、有時卻又吞吞吐吐，詞不達意。
聽女兒說話，有時實在也太妙了。記是日童話兩則，如下：
其一：
女（興高采烈灺）：我就黎做姐姐喇。
媽（大惑）：你做姐姐？邊個話你做姐姐？你要有細佬／妹出世先可以做姐姐喎，但媽咪都冇話要再生ＢＢ。
女：細舅母個ＢＢ就出世。
媽：哦！你就做表姐，唔係姐姐啊。就好似你而家有兩個表姐。
女：就快有三個表姐。
係喎，識識地加數喎！

其二：
女兒學校將於本星期五放假，爹娘計劃帶她到米老鼠樂園遊玩，但她卻誤以為要到該酒店吃自助餐。得事先調節一下她的期望，以免產生誤會。
媽：一係入園玩，一係食自助餐，你揀乜？
女：食完再玩咪得囉。
她倒答得理所當然。
女啊女，如果打算兩樣做齊，爹娘何苦要你選擇呢？
她，不拆不扣是個機會主義者！