生日會口訣

學校本星期五開生日會，生日會有時會放早一個鐘，手冊上有註明，老師亦會訓練小朋友向家長匯報。
今天早上，忽聽女兒喃喃自語：記住記住，會放早一個鐘。。。
媽咪知道老師已囑咐小朋友有關party的注意事項，便問孩子：party要帶乜?
女兒如數家珍：要帶水杯、毛巾盒，要帶空既食物盒（分蛋糕吃時用），要帶名牌同手冊，仲要帶書包。記住記住，要返早一個鐘！
媽咪大笑：返早一個鐘？咁早返去做乜？
天曉得女兒的記憶，如何由「放早一個鐘」轉換成「返早一個鐘」！