粉紅色的圖畫

晚上，爹哋問：女女，今日有乜事你最開心？
女：唔知道。
媽：唔好乜都話唔知，唔肯用腦。
爸：咁你今日有冇嘢唔開心？
女：有呀，張粉紅色紙。
說此話時，女兒面容悲傷。。。

接放學時，才在課室門口，女兒興高采烈的想從書包拿些甚麼出來。
媽咪阻止道：學校人多，出去先摷書包啦。
才登車，她興奮地說：我有禮物送俾你。
媽：係？乜黎架？
她立時在書包內找來找去，但似乎找不著想要的東西。
女：媽咪，我搵唔到啊。
她有點氣急敗壞，但媽咪仍未知道她到底找些甚麼。
媽：你想搵乜嘢？
女：粉紅色紙，我畫咗你，送俾你架。
原來是送給媽咪的圖畫。
她看來非常悲傷，媽咪只好安慰道：唔緊要啦，一陣我俾張粉紅色紙你再畫過啦。唔小心收拾自己Ｄ嘢就係好易唔見，咁你下次小心Ｄ啦。
做完功課了，媽咪便給她一張粉紅手工紙，請她再畫媽咪一次。她似乎不是太有心機畫，只隨便幾筆便當完成。
晚上從女兒跟爹哋的對話中，才理解到她遺失了原先的小圖畫，是這般耿耿於懷。

題外話：
今天收到各科叻叻paper，各科滿分的神話終於破滅了，呵呵！不過，最重要的還是學習過程。媽咪問女兒那些打了叉的幾題，反正如今都答對，即是都學曉了，只不過不是做考卷那刻而已。