自首

女：媽咪，我今日冇坐定定，唔乖。
媽：你今日返學時冇坐定定？
女：係呀。
媽：咁老師點？
女：佢叫我坐地下。
媽：你唔肯坐自己張凳，所以老師叫你坐地下？
女：係呀。
（媽咪想像到當時的場面，大抵有點滑稽）
媽：咁Ｄ同學有冇覺得好好笑？
女：有呀。
媽：你唔坐定時，老師做緊乜？
（媽咪腦海裡不期然浮現「過度活躍」四字，但又懷疑她當時因沉悶而起坐不安。）
女：寫１２３。
媽咪估計當時老師在跟他們練寫已學過的數字，而女兒可能因覺得自己已懂而感到沒趣味。
媽：咁你以前有冇試過唔坐定定而俾老師叫你坐地下？
女：冇架。
（如果所說屬實，她應該只是偶發的身痕症！）
媽：你知自己唔乖，咁下次上堂唔好坐唔定喇，你郁來郁去會影響其他同學嘛。
女：知道。
（還好，她暫時還會自動自覺向媽咪自首。）