健康院打一歲針

是日回健康院打一歲針。
果然是龍年效應，半年前的兒童遊戲角，都變成擺放座位的地方了，整個健康院都人頭湧湧。
一直覺得波波已經有9kg，原來只有8.81。
每次打針前都要見姑娘，親職教育那部份，總是有意思的：
吃的方面：
姑娘提醒要給女兒嘗試自行拿匙進食，我有試過給小丫頭用匙，但見她動作慢，加上一匙可能只吃到五分一進肚，為省時又不想她浪費食物，多半都是餵她的，而且怕她吃到又一半地一半，要收拾嘛！^^
姑娘說得對：她對碗匙總是很有興趣，至於吃得不好呢，多嘗試便會進步了。
姑娘又問我可有給孩子食麵包粒？有啊，焗過麵包給她吃，但也只是一次半次。是給她自己拎住吃嗎？不是啊，我搣的。「比佢自己拎黎食啦」好的。
另外，她建議一日可加多一餐固體，好的，將會是一日三餐了。
玩的方面：
「有無電話玩具？」有呀（生日正買了個似電話的玩具給她）。「佢有冇拎住個電話扮打同講？」咁又唔覺眼喎。「你有無教佢扮講電話？」無呀，「試下教佢扮講電話丫，呢個階段係從遊戲中學習的，佢地亦好鍾意模仿。」
回到家，給女兒試扮打和講電話後，她真的扮起來，只是拿電話時多半反轉了，很好笑！
「有無玩洋娃娃？」有。「一般人都係教小朋友噯下個公仔咁啦可？！」其實這雙父母一直並無特別教孩子如何玩一件玩具或角色扮演這些，因為有時我反而覺得，孩子的創意無限，何必故意規範她呢！不過既然姑娘有此提出，回家便又試著攬抱洋娃娃給小丫頭看。她起初很留心看著媽媽如何褓抱著小娃娃，然後她


 至於打針，今日兩枝。打第一枝時哭得比較淒涼　>.<
姑娘話：有一枝三日內有反應，都係發燒果Ｄ啦；另一枝不會即時有反應，一般五至十二日內反複有燒，而且或會全身出疹。
噢，這個比較難挨，不論媽媽或寶寶。。。
今晚，她有點頭慶慶，希望這次她不會太辛苦啦！
下次到健康院時，小丫頭已經是一歲半了。

題外話：這是我第一次見有二名懲教人員陪著一位年輕媽媽來健康院。波媽心想：唉，孩子一出世便要陪媽媽坐監，好像有點可憐......還是波爸積極：等呢個媽媽響呢段時間可以深刻反省自己的錯，未嘗不好的！