剛懷有你時，
爹：好囉，林家有後喇。
娘：如果佢係女呢？
爹：都係架啦。
娘：咁又係，邊有分男女！
你娘總算保養得宜，樣貌較實際年齡小一點，但，就是白頭髮有點多：
娘：唉吔，跟住成年都唔染得頭髮，咁你幫我剪啦！
爹：我唔介意喎。
娘：你唔介意關我咩事，白頭髮係我度，我介意丫嘛，快d剪啦！
當你娘妊娠反應厲害時，
娘：唉，好反胃好辛苦，（笑著說）最衰都係你^.^
爹：（一臉無辜）唔關我事架...
娘：係呀，哈哈哈，我曉單性繁殖架！
當娘見你爹的腰日益肥大時，
娘：你條腰愈黎愈粗喇，大肚腩！
爹：即管放長雙眼，睇下第時邊個個肚大Ｄ。
嘻嘻，你娘素來偏瘦，所以子宮的小小脹大都會見到下腹很輕微的脹起，腰肢圓碌碌，好得意！
想嘔又嘔不出，雙眼含著一泡淚水，很哀怨地，
娘：老公，如果第時bb唔孝順，你幫我打多佢幾下patpat，為咗生佢要咁辛苦！
爹：我都係咁諗！
嗯，陀過寶寶的人，必定更孝順媽媽吧，十月懷胎，含辛茹苦！而我的所謂苦，還不過是剛剛開始。
小寶，你婆婆真本事，可以生五個小孩，你媽我才陀你幾週都有點苦了！還有，你將來一定要孝順你老媽我啊，可知我要為你受多少的苦！
其實我都未知...但說到底，我準滿心歡喜等待你在肚子內成長：
幻想到你那粉嫩的小軀體與像天籟般的笑聲，如今受的少少苦，都算不得甚麼了！
較新的文章
