新班主任

今年班主任，是新入職的美籍亞矞Ｌ先生。他之前在另一學校任教，恰恰是同學Ａ兩年前的班主任。Ａ跟咱們丫頭，都是今年一月時轉過來讀的。早在兩三星期前收到學校電郵得悉由Ｌ先生任教後，Ａ的媽媽於群組內盛讚Ｌ先生很好，而兒子亦喜愛他！

是夜，女兒主動說起Ｌ先生來。

女：媽咪，有個硬殼既海鮮，好似蝦但大隻好多果Ｄ叫做乜？

她這是玩有口難言嗎？

她接續給予提示說：我老師話佢家鄕有好多。

媽咪知道老師來自Ｂｏｓｔｏｎ，除了龍蝦還會是甚麼？

讀番書的孩子，當下的中文和英文程度顯然「兩頭唔到岸」。不過，大抵這是箇中的必然過程。

女：係呀，龍蝦！老師話佢家鄉果Ｄ好大隻又好平，香港又細隻又好貴喎。

物離鄉貴嘛。

女：你點讀龍蝦既英文？

媽咪讀了一次，女兒指出讀錯了。

嗯，好吧，如今你是發音權威！

只是，媽咪忽然還是有點清醒：你老師係美國人，係咪英式同美式發音唔同咋？

科技真好，不消一分鐘就知道答案了：

英 ['lɒbstə(r)] 　 　 美 ['lɑːbstər] 　 　

媽：今年同舊年既班主任口音，你應該會發現有D唔同，就好似讀ｌｏｂｓｔｅｒ咁。

女兒繼續分享老師的趣事：老師話Ｂｏｓｔｏｎ有個球隊叫ｒｅｄ　ｓｏｃｋｓ，好勁架。

媽咪怕自己聽錯了，問：ｒｅｄ　ｓｏｃｋｓ？

女兒興奮地說：係呀，襪呀，老師第一日著住果對襪，特登舉高比我地睇。

媽咪想像當時的畫面，亦感到相當有趣。隨即和女兒一起上網看看這紅襪子是甚麼底蘊。

原來他們正名是ｒｅｄ　ｓｏｘ，是當地的職業棒球隊。

長知識了。

然後，女兒再補充老師的個人資料，說：有同學問老師結咗婚未，結咗啦。跟住成班男同學係度大笑，但係女仔冇笑架。都唔知結咗婚有乜好笑，我地爸爸媽咪都結咗婚然後生咗我地啦。

果然，女孩子比男生還是早熟一點。

好吧好吧，祝你們今年跟L先生於學習上有一個奇妙之旅。