從語文能力到溫默書

日前，媽咪很認真地對爹哋說：我覺得阿女Ｄ中文唔係真係咁差，近日發現佢Ｄ中文功課，大部份可以自己做到，而且大半都做啱。（媽咪要求真的不高，哈哈！））閱讀理解都肯自己做，亦做得唔錯；造句同寫作能力亦唔算弱，只係好多時唔記得Ｄ字點寫！（自問小學時都常常執筆忘字，才初小，很正常吧！）同佢溫默書，亦都冇話溫極唔識既情形。
作為一個語文人，媽咪也只是清心直說。但當然，自己只看到她的能力，無法宏觀整體同學的狀況。
昨天放學時，女兒確認了一件驚人的事情：今天的默書範圍，媽咪連一眼都未看過！
過去幾天竟然給她提前溫習了下星期的預默範圍，蓋因上星期派了考默紙，媽咪不小心給擾亂了。媽咪固然有責任，但女兒更是責無旁貸：明明是她上學，不該比我更楚嗎？
我們從未試過只用一天溫默書，嘿嘿，機會來了。
要做好功課後再溫習，當然知道這是很累的。為了令孩子更有動力，媽咪提出了雪糕獎賞，總算湊了點效。整個過程她都相當配合，而這顯然是發生在半粒藥的時效以後。
默書範圍不算少，但她溫習時的表現真不算差。媽咪也深明只一晚不能強求，得過也就且過了，並且告訴她：唔緊要啦，默書時唔識寫，之後改正學返啱就得。
放學了，媽咪扮作不經意地問一句關於默書的事，她說都識寫。媽咪楚知道：都識寫，當然不等於都寫對！哈哈，有時倒很欣賞這孩子的樂觀。
默書簿一天未派，也未知真相。不過，一旦她這次默得真的不差，那麼，以往要她早幾天便開始溫習的對策，媽咪是否可以調節一下，好讓彼此都輕鬆點呢？
但，前一晚才溫習，不能時時發生：這叫臨急抱佛腳。