接放學了，媽咪問：今日對咗咩卷呀？你滿唔滿意？
小女孩回答說：我數學比上次進步咗四十幾分。
媽咪計一計加減數後，心想：今次份卷，難道滿分有百幾分？？
聽她這麼說，肯定份卷做得不會差，所以媽咪打趣說：嘩，乜你今次一百分？？
女兒說：九十幾啦。
媽咪忍住心低的點點譏諷，沒說出口：你Ｄ加減數咁差，仲話數學考得好！
聽她說出的分數，不算太意外。記得考數學那天臨入校園前，媽咪已經告訴她：你今次數學Ｄ概念掌握得好好，只要小心Ｄ睇題目同專心Ｄ做，就會做得好。
專家教我們：要讚美孩子在過程中所付出的（努力等），一定要具體，而不是讚美獲得的結果（好成績）。
所以，媽咪向著女兒說：恭喜你啊！你考卷時一定係好專心、好努力去做，媽咪好欣賞你！
是日所對的卷，的確是有點驚喜：上次考得最差的中文閱讀卷，媽咪今次會用「極出色」來形容。全卷七十分，只扣了幾分。媽咪很詫異地問：你有冇抄錯分數落手冊？
說罷，也覺得自己有點太過分：畢竟不應該否定她所付出的努力。
試卷已派了一半，暫時所見考得相當不俗。不過，媽咪心底更明白：考得好不好，壓根地跟替她溫習多久沒關係，最重要是她做卷時的狀態。
狀態兩個字，由不得我。
這晚，她問：媽咪，我今次應該唔使轉校啦？我唔想轉校，因為其他學校唔適合我。
記得考試前，媽咪告訴她：如果你考試唔合格，我會同你轉校，無理由重讀一間咁貴學費
既學校。
大抵，她一直記住這點，所以也成為鞭策自己努力考試的動力。
較新的文章
