記得才開學不久，女兒便認識了一位非常要好的同學，形影不離。
過去幾個月，女兒有甚麼好吃的、好玩的，總說要帶回學校跟對方分享。
見她才開學便遇上好朋友，媽咪既安樂亦帶點擔心：她說過由於對方被老師罰小息時要留在課室內，她亦寧願跟對方一起被罰，好能同留在課室內。
有這種想法，太不妙了。
女兒不只一次複述友人抱怨她媽媽「好衰」，更試過向咱們家女兒說她的媽媽（即是我）好衰。。。當時媽咪立即向女兒說：你覺得媽咪衰唔衰？如果你覺得唔係咁，應該即時同佢講，唔係佢講乜你都要和應架！
聽著聽著，媽咪對小女孩的印像無法不打點折扣，但有感不應跟才幾歲的小孩太計較。畢竟那是女兒的好友，媽咪亦尊重她擇友，自覺不應干涉太多。但對於女兒價值觀的問題，媽咪深感不能鬆懈。
農曆年假之前，故事有了些新發展：有次校內普通話專題活動，女兒說他們要到學校不同角落玩遊戲以換取印章。回家時，她拿著遊戲紙抱怨道：我今日玩得好少遊戲咋，得一兩個印仔，鄰座某某同學拎咗六個！
媽咪心生好奇，問：係咪玩得唔夠好，所以老師冇比印仔你？
女兒埋怨道：ＸＸ（她的好友）囉！我想去玩，佢唔比我去，要我陪佢去呢度去果度，行嚟行去嘥晒Ｄ時間，結果夠鐘玩唔到喇！
媽咪試圖提供解決方案：你可以同佢協商，共同選個地方一齊去玩嘛。
女兒委屈的說；我有架，佢唔聽之嘛，係都要迫我陪佢行！
媽咪明白女兒的不開心：她既不想得失好友，卻又因著無法玩遊戲而感到失落。
媽咪便繼續提議道：好朋友唔需要任何時候都痴住既，你可以清楚表明你想同其他同學玩遊戲先，暫時唔同佢一齊喇。
女兒有點憂傷的說：佢話如果咁就唔同我做朋友。
孩子在成長的路上，總會遇到不同的難題，家長固然可以提供指引，但如何拆解，還得靠孩子自己了。
由於女兒回家做功課比較慢，媽咪之前鼓勵她在學校小息時，可以爭取時間做一些簡單的抄寫作業。放假之前，喜見她有在學校會做好某些功課，當時媽咪也有盛讚她；但近來校內做功課的事兒，似乎絕跡了。
她有時會告訴媽咪，小息的時間太短，去洗手間排排隊、有時吃吃茶點便已夠鐘。其實，她沒在學校做功課，媽咪亦覺得沒所謂，畢竟時間倉促。
放完長假後，上星期一放學時，女兒憂憂的說： 我今日食飯之後做唔到功課。唉，ＸＸ好煩，我本來拎住功課想入禮堂做，但佢唔比我去。
媽咪心中有點不忿：我個女咁有動力做功課，竟然比人阻撓！
心中雖有這想法，但媽咪還是對她說：你叫佢同你一齊做嘛！
女兒說：叫咗啦，佢唔想做。
唉，媽咪不禁再心想：好朋友應該互相扶持，卻不是互相拖累！
女兒繼續說：我同佢講如果再係咁，我就唔同佢做朋友。
媽咪冷不防她會這麼說，問：咁佢有咩反應？
女兒沒好氣的說：佢話只比一次機會我，再咁講唔同我做朋友。
媽咪好奇她會怎樣處理，她說：我間中同佢講一兩句嘢囉。
往後的幾天，一直會聽到女兒說ＸＸ好煩。媽咪又回想起上星期某天送她返校，才進入課室，忽聽有人很熱情的叫喚女兒，原來正是ＸＸ。但女兒待她非常冷淡，ＸＸ只好沒趣的走回自己的座位。
看來，她們的友情真的受到考驗了。
較新的文章
