煨蕃薯數學題

帶女兒遊玩，見有煨蕃薯賣，媽咪想起孩子早前說老師給她們介紹過這是冬天的食品，亦承諾見到會買給她吃，便提議不如買一個三人一起吃。
沒料到。。。
女：老師話煨蕃薯好貴，唔好買啦。
（一定是前世做了甚麼好事，上天賜給我們這麼慳家的女兒！）
媽：唔緊要啦，我地買一個二十蚊，一齊食啦！
女：唔好！老師話好貴，我地唔好買。
戲肉來了。。。
女：我要食雪糕，唔好買煨蕃薯啦。
 （深信上輩子也做了好些好事的，只是，原來老天爺並未有賜給我們太慳家的孩子！！）
由於店子老闆說要再待十五分鐘才有煨蕃薯出爐，我們亦不等候了，便買了雪條給女兒吃。
十五分鐘一眨眼就過，女兒已吃掉她的雪條。。。
女：媽咪，我好肚餓，好想買煨蕃薯。
媽：頭先ｄ錢你食咗雪條喇，而且老師話好貴，我地唔買喇。
然後，她ｅ　ｅ　ｏｒ　ｏｒ，嘈了許久。
回家給她洗澡時，媽咪舊事重提。。。
媽：其實我今日好想買煨蕃薯。
女：我都好想食架，你唔買之嘛。
媽：咁你話煨蕃薯好貴嘛，同埋之後買咗雪條比你，冇錢喇。
女：煨蕃薯幾多錢？雪條幾多錢？
媽：煨蕃薯二十蚊，雪條唔記得十幾蚊。
女：雪條係十蚊呀。咁你話煨蕃薯貴定雪條貴喇。
聽罷，媽咪禁不住咔的一聲笑了出來：怎麼女兒的數口忽然這麼好。
又，好明顯，道理永遠都在她那邊的！