而昨天做完英文卷後，她說有很多不識做。經驗所得，她說唔識的話，情況會相當不妙。。。
女：份英文Ｐａｐｒｅ要做大風吹（重組句子），我唔識做。
這個題型，早前的功課紙做過一次。對於串字，她偶爾仍會懵懵的；論到要重組句字，於她有點越級挑戰了。又記得上次份Ｐａｐｅｒ派回來，見到有ｒｅａｄｉｎｇ ｃｏｍｐｒｅｈｅｎｓｉｏｎ——幼稚園要做閱讀理解！但話說回來，同校小朋友之間的差異，其實相當之大。
媽：唔緊要啦，你盡咗力就得，下次派卷時學返識啦。
記得早前看親子專欄，作者說她每次都把孩子的考卷視作拿得一百分看待，即使派回來未及滿分，她們只是稍後才全學懂而已，那些分數都會之後再拿回的。
女：ＡＢ題我有Ｄ唔識，亂咁填。Ｓｋｉｐ，我頭先唔記得咗點串；同埋２呢，我串咗ｔｏｗ。
串生字，即使之前溫得如何滾瓜爛熟，小朋友的表現就是會不穩定。
雖然口說不要緊，但媽咪還是告訴她自己有點失望，希望她認真溫習，下一份卷要更努力一些。
她似乎感到有點挫敗，問：如果我好努力溫完都唔識呢？
媽咪其實也不想她因不懂做某些題目而受到打撃，便試圖安慰：最重要係你今日認真溫習，注意自己溫習既態度，咁就得啦。
今天考最後一份中文卷了，媽咪心中打定了底。
放學時。。。
媽（壓低聲量說悄悄話）：今日中文有冇好多唔識呢？
女：我唔記得咗農夫個農字點寫，其他識晒。
媽：識晒？
以她說識晒來說，起碼再打個八折也差不多吧，因為有些只是她自以為識，再加上偶爾會粗心大意犯錯。
轉個頭。。。
女：我頭先將東西寫咗西東。
媽：當時有無改返？
女：冇。
媽（半開玩笑）：咁即係錯啦，又話識，仲要明知錯都唔改，又愈講愈多錯。不過唔緊要啦，反正考完。
考試完畢，一切塵埃落定了，加上她才讀幼稚園而已，幾時擔心到中學！
放學後跟她一直大玩，補償過去幾天放學都閉關溫習的時光。
 |
| 這杯雪糕，開蓋時見到一朵大花，相當驚喜 |
 |
| 看冬甩展，給她沾一點藝術氣質 |
 |
| 日落西山，她說要影後面個蛋王哥喎 |
較新的文章
