童語錄

監督一個專注力很弱的小孩做功課，勞心又勞力。。。
媽：有時真係寧願返工。
女：點解？
媽：對住你咁勞氣，返工去搵下錢，仲好！
女：媽咪，我俾錢你，等你做老闆！
冷不防女兒說這一句，她這種豪氣，給媽咪笑掉大牙。

 昨晚爹哋工作至很晚才回來，媽咪一雙手要處理不少雜務，為了打發痴纏的女兒，便給她安排了一點「工作」，好打發她。
 媽：你而家去廁所ｐｏｏ　ｐｏｏ先，一陣我幫你抺ｐａｔｐａｔ同沖涼。
 轉個頭。。。
 女：ｐｏｏ　ｐｏｏ　ｂｙｅ　ｂｙｅ！媽咪，我抺咗ｐａｔｐａｔ喇！
 媽：吓，咁快？檢查你有無抺乾淨先。
 咦，ＯＫ喎！
 女：我今日要自己沖涼，大個女丫嘛。
 媽咪樂得只站在浴缸邊監場，看著她洗澡的動作，不算俐落，但還可以接受。以後多多練習，自會進步。
 洗畢，女兒立時說：我聽日都要自己沖涼，我大個女啦嘛。
 乜大得咁快。
 給她吹乾濕髮時。。。
 女：媽咪，今晚我要同你一齊瞓！
 媽：大個女喇，梗係瞓自己間房啦。
 女：我要媽咪，我仲係ＢＢ。
 吓，乜咁快又變返ＢＢ！！