派對前準備

本星期五將是學校聖誕生日會，是日早上，媽咪特意選購了一些可愛的卡通人物朱古力，想讓女兒到時帶回校，送給同學。
 那知，當放學後，媽咪向女兒展示已買的朱古力時。。。
 女：媽咪，老師叫我地唔好買朱古力呀、糖呀，或者Ｄ脆嘢送俾小朋友，因為聖誕ｐａｒｔｙ度，校長已經預備咗好多俾我地。
 媽：吓？你唔早Ｄ講？
 女：等我話你知可以買Ｄ乜啦。。。
 媽：但我買咗喇喎！
 女：ｅｒ．．．
媽咪看著那三十多件零食，想著該如何處理之際。。。
女：咁唔緊要啦，應該得既。
 做做下功課。。。
 女：媽咪，不如我地揀過第二樣野啦？
 媽（扮聽不懂）：第二樣乜野？
 女（開始沒耐性）：第二樣野呀。。。
 媽：你想帶第二樣野送俾同學？
 女（點頭，想哭）：因為老師話唔可以帶朱古力架。
 原來她還是相當聽老師的話的！
 學校從沒要求家長帶甚麼回去生日會的，但仍有好些家長會自發去買些糖果餅乾等零食來。過往，媽咪絕少會買回去，因為自己都不贊成或支持孩子吃太多零食；但記得上次生日會時，女兒表示很想送些甚麼給同學們，所以這次媽咪事先挑了些孩子們應該都會喜愛的卡通人物小食來，不過似乎好心做了件壞事。
好吧好吧，朱古力留下來吧。

據知，聖誕ｐａｒｔｙ當天老師會預備攤位遊戲給小孩玩，其時他們會到操場上儲印仔換禮物。午飯後，家長群組傳來消息，指由於天氣轉寒，班主任請女孩子盡量不要穿裙子。
 媽：老師係咪同你地講天氣凍，星期五盡量唔好著裙？
 女兒扮聽不到。
 媽咪重複以上問題。
 女：乜野叫做「盡量」呀？
 媽；老師既意思係，因為天氣凍，女仔有得揀就唔好著裙，佢驚你地凍親。
 女：但係我好想著裙喎。。。
從女兒的表現和對答，媽咪相當肯定，她是選擇性不把老師這句話告訴自己的。