當頭棒喝

爹哋晚上有工作在身，是夜母女倆樂得撐枱腳。
一頓飯，女兒有好幾次在吃飯途中離開了座位，媽咪的音量便一次比一次提高叫她回去坐好。
媽：我講咗好多次，食飯時唔准落地，一Ｄ規矩都冇！
女兒快將吃罷了，她忽然向著媽咪說：如果我有嘢做得唔啱，媽咪你係應該教番啱我，唔係。。。唔係。。。唔係。。。
媽咪聽這個四歲的小女孩說起大道理來，覺得有點滑稽，但見她說到末段時卻竟然「食帶」，便追問：唔係乜嘢呀？
媽咪心底盤算：到底女兒是忽然詞窮，還是說得有點吞吐呢？
不過，還是決定鼓勵她說下去，便停下所有工作，定睛望著她。
她繼續說：你應該教我唔係鬧我架。
媽咪問道：你覺得我惡唔惡？
女兒點頭道：惡。
媽咪心想：乜我頭先算鬧你咩？
姑勿論剛才是否算鬧她，但女兒這番話，足夠成為媽咪的當頭棒喝：孩子是要教而不是罵的。