合唱綵排後記

記得合唱團在星期日加班練唱後，女兒自爆在場內不守紀律揭起衣服來。
是日送她返合唱團後，媽咪特意面向著導師對女兒說：你一陣要乖乖地聽姐姐話，我會問佢你有冇乖架。
說罷，導師指有幾句話想跟媽咪說說。
媽咪當下心底一沉，想著導師姐姐是否要跟媽咪談談上次的事。然後開始想到那些「百厭仔女」的家長，終日惶惶不知老師有甚麼投訴。。。
媽咪先開口說：係咪佢上次揭起自己件衫？
導師姐姐稀奇女兒有告訴媽咪這事，但她不是最想說這些。
她說：佢揭起件衫一次啫。上次綵排時我地期間熄咗燈，話俾小朋友知到時上大台都會咁，跟住佢就好驚，全程都唔太肯唱歌（上次是在總校練歌的），平時響呢度唱，佢冇呢個問題。
顯然，又是女兒怕生保的特質，一去到較陌生的環境就會表現得不自在，再加上關了燈令她格外害怕。
或者是因為女兒在上次告訴媽咪她揭起衣服後，媽咪便一輪嘴怪責她，因此她對於當天感到害怕的事情便隻字不提了。於是乎，媽咪也深切反省起來！
媽咪明白導師的善意提醒，因為如果到表演當日女兒都大鬧情緒，我們要有心理準備她無法上台演出的。
然後，媽咪向導師表示回家後會好好跟女兒談談，給她更多的心理準備。
媽咪再好奇打探一下：係咪成班小朋友得佢一個表現得咁驚？
還好，原來不是！
待女兒唱完歌回到家，媽咪特意擁了她入懷，好談心。
媽：上次練歌熄咗燈，你係咪好驚？
女：係，點解要熄燈？
媽：係咁架，你到時表演都會咁做，唔使驚架，媽咪會睇住你。
女：熄咗燈又冇怪獸，唔使驚架。
看來，這是上次導師姐姐給她的安慰說話。
台上一分鐘，台下十年功。上台表演固然是個好機會給女兒訓練一下膽量，但其實也沒甚麼大不了，媽咪深信她在練習期間已有不同的得著，演出當日且看她自己造化了。