以扭蛋為目標

接放學時...
女：媽咪，我今日只係有一次唔乖咋。
媽：你做乜事唔乖？
女：我唔係唔乖，係跌咗嘢去執，老師以為我唔乖。
媽：你跌咗乜嘢？
女：食茶點時，書包個毛巾盒跌咗出黎，老師以為我郁來郁去。
媽：你有冇同老師講番你係執嘢，唔係郁來郁去？
女：有呀，但佢聽唔到。
媽：你下次如果要執嘢，舉手同老師講啦。
女：哦。我今日咁乖，要去扭蛋。
媽：唔係呀，你要今個星期都乖，先可以星期六去扭蛋架。記得上堂要乖乖地坐好，我星期五會問老師你係咪真係好乖架。
女：哦。到時我要自己揀扭咩蛋。
媽：好！

話說昨天女兒看見樓下商場有公主扭蛋機，非常心動！媽咪便給她一個「使命」：上課要留心，不要亂動，又要聽老師的話，達者星期六送她一隻扭蛋。
媽咪心底也很想她能獲得。
看來，為了扭蛋，她今天上課時，很有目標地相當克制。
很好很好！