和女兒談生老病死

孩子有甚麼說話，可以令媽咪既冧卻又傷感？
女：媽咪，我唔想你老。
媽：傻女，係人都會老，就好似你由ＢＢ變成而家咁，日日都長大，變成大人後就會慢慢老去。
女：老咗係咪會死架？
媽：係呀，人老咗，機能慢慢衰退，最後就會死。
女：我唔想你死啊！
孩子對自己的依戀，傳遞了一種強大的愛；媽咪擁了她一大把，眼睛慢慢濕潤了起來。。。
媽：傻女，你驚媽咪死咗就見唔到？
她點了點頭。
媽：咁我應承你，陪你耐Ｄ再耐Ｄ！
媽咪當然不知道自己甚麼時候會死，但肯定在自己有生命有氣息之時，都會好好愛她！

其實，人不一定經歷年老才死亡的。
早一陣子，爹娘忽然興起，便跟女兒同看她大表姐的童年相片和錄像，其間給她「介紹」大表已離世的媽媽。
女：點解佢媽咪會死既？
媽：因為佢病。
女：睇醫生咪得囉。
（她記得媽咪說過：病了，看醫生就很快痊癒。）
媽：唔係所有病都醫得好。
才說出此話，媽咪隱隱看到女兒的憂慮。。。
媽：不過我地一般病時，例如傷風、感冒同咳呢Ｄ，睇醫生，按時食藥，好快會好番。

回想大表的媽媽離世時，她還是幼稚園生，如今已是個婷婷玉立的少女。日子過得很快，轉眼快七年了。
在這裡，遙遙懷想我們一位已故的親人。