問題兒童

聽說，孩子到大約三歲吧，便總發問一連串的問題。咱們家女兒，一轉眼快兩歲十個月了，是晚到婆婆家吃飯，一程車的時間，小丫頭化身成為問題兒童：
才上公路。。。
女：媽咪，呢條咩路？
媽：呢條係高速公路，我地住九龍，去婆婆屋企，要行呢條高速公路。
過了一會，她看見天空上有飛機飛過。。
女：媽咪，aeroplane點樣飛啊？
媽咪把手張開扮成機翼，說：咁樣飛。
女兒看得笑逐顏開。
又過了一會，她望向海邊說：水水啊。
媽：呢個係海。
女：我見到roll the boat響海度。
媽：果Ｄ係船，ship，唔係boat，大船叫ship，小船先叫boat。你好少搭船，搭過一兩次啦！
女：咁坐船會唔會跌落海？
想不到她竟有這個擔心，哈，有趣！
媽：如果我地坐定定，唔好走來走去，有安全帶的話要扣好，咁坐船時應該好少會跌落海。

車子繼續前行，忽見對頭線的水馬大量倒下，媽咪向正在開車的爹哋說起骨牌效應。
女兒聽得不明所以：媽咪，你講乜嘢？
媽：你係咪想問乜嘢係骨牌效應？骨牌即係xxx（下省數十字）！
這個丫頭，愈來愈留心身邊人的對話了，所以，爹娘時刻都互相提醒要謹言慎行！
儘管小丫頭有時顯得是個小大人，但，她其實仍是個小孩子。昨晚她仍未退燒，夜半時雷電交加，轟隆的雷聲驚醒了她，張開雙眼便第一時間便要媽咪褓抱著。
媽咪攬攬、媽咪掩住耳仔。。。，這個寶寶的要求，層出不窮。摸摸她的額角仍熱，便給她張羅吃藥。搞了一大輪，彼此總算相擁入睡了。只是，過了不久，她又再次醒來，猛說好熱，摸摸衣服，果然濕了一大片，便又忙於替她抹汗更衣。還好，燒，總算退了。