態度

放完一個多星期Ｔｅｒｍ　ｂｒｅａｋ了。

大清早，女兒向媽咪追問她的西班牙文課本在哪？

關我甚麼事？

回想昨晚夜半（後來有人自爆是凌晨十二點幾）她已經闖入我們房間問課本在哪？！

媽：你尋晚做乜夜媽媽入嚟搵書？

女：因為好緊要啊，冇帶書要留堂。

媽：既然咁緊要，我一早提你要執定書包，你唔早ｄ做，搞到咁夜入嚟嘈住晒！

女：我冇嘈你啊，我搵爹哋咋。

媽：首先，爹哋本來都已經瞓咗。第二，我都比你整醒咗。你咁樣好自私喎。

女：但我有緊要事嘛，所以先入嚟搵你地幫，睇下你地有無見過。你可唔可以幫我搵下？

媽：都唔合理既，你唔見咗本書關我地咩事？我話過唔會幫你執嘢，你咁冇手尾，我冇咁好氣成日同你執拾，亦唔會幫你搵嘢。

（是的，今學年起，已不隨便入她的房間，因為裡面亂到一個點！！）

女：咁我唔溫書喇！
（她的意思是：不溫習便不會拿出課本，也就不會遺失了。）

媽（沒好氣）：你咪唔好溫囉。

（心底在想：這是要脅嗎？而且，反正你溫不溫習，分別應該也不會太大吧，嘿嘿～）

女：咁你有冇見過啊？

媽：印象中，早前喺客廳見過。

半晌，女兒從樓上走下來，說：我搵到喇，原來攝咗喺梳化側邊。

媽：點解喺梳化邊？

女：我溫溫下好悶，掟咗佢落地。

嗯嗯，這就是我家孩子處事和溫習的態度。