是夜吃飯後，三口子閒話家常。
女：學校今年有個新既香港人老師，嚟英國未夠一年，今年教我Bio，你地D英文仲好過佢啊！
媽咪心底爆笑，她竟然將我們能流利地說I go to school by bus的英語能力來跟這位新老師比較。
爸：學校請得佢，就係認同佢能力啦，冇問題既。
女：總之D英文講得好差啦。
媽：咁佢教書，同你之前D Bio老師有咩分別？
女：佢用香港教法架。
媽咪請她解釋一下何謂香港教法。
她補充道：即係佢會列出好多重點，想我地明白同埋叫我地記囉。英國D老師，上堂講一大段嘢，無重點架。
看來，在本地就讀了兩年多書的孩子，對港英兩地教育的差異已有很深刻的體會。雖然不在學校現場上過課，但心底不算太同意她說本地老師授課沒重點。人人的學習方式不同，而每一種教學法亦自有其優劣。不過，不打算此時跟她討論。
媽：咁你今年科Bio，應該會讀得好D啦？！
女：又唔可以咁講既！
較新的文章
