女：我逢星期一最後堂ｔｕｔｏｒ ｔｉｍｅ唔使上，Ｄ同學好羨慕，因為我可以去同人傾偈，唔洗坐係度咁悶。
媽：點解唔使上堂？
女：你知架！
媽：我點解會知？
女（燥底)：之前比過你睇張紙啦！
媽：十月初話邀請你有三堂同老師見既ＡＤＨＤ活動？
女（繼續勁燥）：係囉。
媽：吓？我以為剩係果個星期有三日，你無提過之後繼續。你意思係而家逢星期一都會同相關老師、同學見面？
女（話風一轉）：媽咪，你唔好話我好嚴重，我見有個姐姐，佢成日上堂喺度好大聲講嘢，又無情情大笑。
媽：我無話過你好嚴重。你意思係你地一齊上堂時佢既表現係咁？
女：係呀，佢ｙｅａｒ １１。
媽：個姐姐係咪冇食藥？
女：呢度Ｄ人多數冇食藥。
媽（深表認同，深知這裡主要奉行行為治療，發藥的情況不多）：係囉，醫生都想ｃｕｔ你藥。但你覺得食藥對你有冇幫助先？
女：有既。
媽：咁唔該你食多Ｄ嘢，你唔增重就有機會停藥。你地個小組有幾多人？
女：６個。
媽：咁又唔係好多喎。
女：有Ｄ人唔參加嘛。
媽：有冇同你同級架？又有冇香港人？
女：本來有個同級，但佢話好悶唔再參加，個香港人即係頭先放學見到果個。
媽：乜有同你同級但我唔識既香港人咩？
女：我轉咗話題喇，個香港人高我一級。
媽：你講嘢咁跳我點跟。你地喺小組會做乜？
女：傾下偈囉，問下你幾時確診咁囉，佢地好多都好遲，高小先發現，我話我五歲（按：其實是七歲確診，五歲時只稱為懷疑個案)。我地聚會個課室近閘門，星期一我見到你同C姨姨喺學校外公園等我哋放學，我掛住望你地哋，都冇聽佢哋講咩。
媽：你成日都係咁啦，哈哈！
不久之前，她滿滿自信地表示覺得自己很勁、很獨特，因為沒有太多人會像自己可以騁馳於天馬行空的想像之中。回看從前，她不大願意向別人透露自己的病況，但她說如今新相識的香港同學都是知悉的。
暫時沒感受到各種徵狀令她很「勁」，嘿嘿，但絕對欣賞她接受自己的獨特性，相信在校內參加此針對性活動是頗有點積極意義的。
較新的文章
