放學時，問女兒首天上課的感受，她默默不語。回家後，這丫頭才肯逐少放點口風。
學校午餐：今日食ＰＩＺＺＡ，都幾好味。老師話人人食量唔同，所以可以比我地食剩食物，我地全部人都剩晒Ｄ青豆。學校話小息只可以食水果，我見Ｄ同學帶咗好多ｊｕｎｋ ｆｏｏｄ，即係薯片、糖果果D，一到ｌｕｎｃｈ就攞出黎食，老師亦都無阻止。學校剩係話小息唔可以食之嘛，無話過午餐唔得。
哦哦，係醒既！
課堂理解度：老師講得好快，不停ｂｅｅｌｅｅｂａｌａ，我只係聽得明ｔｈｉｓ ｉｓ ｔｈｅ ｅｎｄ ｏｆ ｔｈｅ ｃｌａｓｓ咋。
哈哈，媽咪明白聽老師的口音和調節自己都需要時間，加上你中途加入，不明所以也很正常。
西班牙課：我識晒呀，因為我鍾意睇ｄｏｒａ同ｍｉｎｉｏｎ（卡通片），老師教Ｄ嘢好淺。同學Ｍ話：ｎｏ ｗｏｒｒｙ，ｉｔ ｉｓ ｈａｒｄ ｔｏ ｕｎｄｅｒｓｔａｎｄ，但我覺得真係好淺喎。
旋即，有人開啓了電話的翻譯功能，有板有眼地教著媽咪。
老實說，這孩子嚣張（自信？！）得令媽咪有點驚訝，不過以往她亦說過自己在電視節目中乃至有跟舊同學學過一點西班牙語。好的，即管放長雙眼看你是否有這般天分。
同班同學：佢地個個都差唔多樣咁，介紹自己個名時又講得快，我都聽唔切。仲有，班內有對孖女，佢地個樣根本一樣！
你總不會份錯兩個孖生姑姐，給自己多點時間就是了。
小息活動：我見Ｄ同學不停跑來跑去。仲有，佢地好似狗仔咁，好鍾意追住個波玩。
她這個比喻也太幽默了吧！
雖然，這孩子的金口不像年幼時那般容易打開，不過，聽她細細碎碎地分享著首天的校內見聞，相信還是樂在其中的。
孩子，加油啊～～
較新的文章
