Pillow talk

晚上的陪瞓時間，媽咪躺在女兒狹小的床鋪上，天南地北。
女：媽咪，我第時要生兩個小朋友。
媽：好丫，讀完大學，就搵個好錫你既男仔結婚，然後生兩個小朋友。
 女：我想生一個男一個女。
 媽：冇得揀男定女喎。
 女：一個男一個女，咁佢地第時可以結婚。
 媽：兄弟姊妹唔會結婚架。
 女：點解？
 媽咪腦海中閃出「亂倫」、「遺傳學中的近親易產畸胎」這些複雜的理倫來，但，她目前根本不會明白。
 媽：因為兄弟姊妹係唔會結婚。
 她聽得這個答案，已經很理解似的了。

媽咪把床邊的小娃娃拿給女兒，說：紅精靈妹妹陪你瞓喇。
她忽然說：媽咪，我要細妹！
素來，她都把各個娃娃賦以不同的身份：有哥哥、姐姐和妹妹等，但這些身份卻又常常更換。媽咪一下子搞不清誰是妹妹，便問：邊個係細妹？
 冷不防女兒說：我想要細佬妹果Ｄ細妹呀。
 這時，爹哋正好從房外經過。
爹：細佬定細妹係冇得揀架，況且你都仲係成個ＢＢ咁，如果你做家姐，你點幫手照顧細佬妹？今日響街你亂咁尖叫，到時細佬妹又學你尖叫，咁我同媽咪點照顧你地兩個ＢＢ？
 爹娘異口同聲：我地都無打算生多個小朋友。
 嘿，一下子把她打沉了。