幸好，其他事情都相當順利。滿以為要女兒在早上7:30起床，會換來一輪大吵大鬧，但她今天出奇地乖巧，絕對抵讚。
 |
| 她說很愛穿開那款皮鞋，媽咪也樂得今年買回同款皮鞋 |
 |
| K1班主任，很快要生個寶寶了！ |
 |
| K2的副班主任 |
 |
| 今年的班主任 |
其一
女：媽咪，書包folder裡面有份好重要既通告，老師話要返屋企先好拎出黎，因為驚搭車時漏咗響車度會唔見。
媽咪心想：呢架係我地既車，咁都驚唔見？！不過既然你咁謹慎又咁聽老師話，好丫！
媽：哦，咁重要，係咩黎架？
女：報一年級用架，如果唔見咗就無得讀一年級。
聽她這麼一說，媽咪暗地偷笑－－小朋友真單純，但亦欣常老師教得她如斯有責任心！
其二
女：媽咪，Ms Lau（今年班主任）話3M（今年的班別）係最叻架。
媽：吓？
（當下未明白她所指）
女：3M係最叻架！
媽：哦？老師話你地班係最叻最聽話，係咪？
女（滿有自豪）：係。
呵呵，媽咪再次非常佩服班主任：她一方面令小朋友建立了對班的歸屬感，另一方面又使小朋友對自己有了一些要求，之後老師對他們的管理可望較暢順。
其三
回家吃午飯後。。。
女：媽咪，你快Ｄ簽返份資料比老師啦。
媽：乜嘢資料？
女：手冊夾住果份。
媽咪再一次偷笑，因為接她放學時，老師已提媽咪有份通告要填回，但她還是特意叮囑女兒必須提醒媽咪要填好。
媽咪對於女兒今天首日上學後的表現感到相當吃驚－－到底老師施了甚麼魔法，令咱們家的大頭蝦寶寶彷彿一天之間成長了這許多？變得這麼有責任心？
無論如何，祝女兒K3開學愉快，也冀望她可以繼續保持這份責任感，並好好享受這幼稚園生涯的最後一年。
較新的文章
