放學跟老師對談

接放學的時候，正副班主任跟媽咪閒談了幾句。。。
先是副班主任：
師（笑）：今日佢教我地點做嘢，叫我地錄影喎！
媽：係？錄乜？
師（繼續笑）：係囉，佢意見多多！
見老師沒詳細說明，事後媽咪追問女兒，大致的情況是：當時同組的男同學不聽老師勸告，接著當老師收起他的簿子時，換來孩子的大哭鬧。於是，女兒提議老師要錄起同學的哭鬧行為。
往常女兒大吵鬧時，爹娘都會舉起手機說要錄起她的行為，好讓她長大時回看。她也有羞恥之心，不想被人錄下自己的醜態，是故這天也想用這度板斧來「警誡」男同學。
接著班主任又說咱們家女兒不服從指令的事情：
師：佢頭先係要跪響張凳度，叫又唔聽！我地怕佢跌親受傷。佢響屋企係咪都成日跪凳？
媽：唉！佢都係無時停、坐唔定架喇！
副班主任加入：
師：佢真係坐唔定，好容易分心！
（開學未足兩個月，這已經是她第三次向媽咪反映相同狀況）
媽（無可奈何）：嗯！
師（小聲）：可能佢覺得Ｄ嘢悶，所以冇興趣啦。
媽咪心想：都好，這次老師不單單「怪罪」女兒。
師：咁容易分心，咁媽咪你就辛苦喇！
是的，自從升上Ｋ２後，每當督促女兒做功課時，媽咪都身受其苦。。。
然後，班主任又轉另一話題：
師：佢呢，都係古靈精怪喇，今日我地講爸爸媽媽，佢畫一個好肥既公仔，話爸爸好肥！我見過佢爸爸，話：你爸爸好瘦，點會係好肥呢！
媽：係囉，佢好鍾意講相反嘢，成日話好乖即係好曳，好曳又即係好乖喎，調轉黎講！
這個孩子，就是鬼靈精怪！！