長高、變老

最近，忽然覺得孩子又明顯長高了！

先兩日高角度拍攝，騷不到長腿

給她穿上緊身褲再遠距離拍攝，「長腿」即現

晚上替她洗澡時，她猛問：媽咪，我第時大個可唔可以著你對鞋／你件衫？我夠高時可唔可以開最高個櫃桶？
（媽咪一直不讓她爬小凳子，因此不許她開她的最高格櫃桶）
原來，小女孩渴望長大長高，為的就是要做這些事情。
洗澡後，媽咪往切水果去，女兒則坐在遊戲墊上自顧自玩。忽然，她急步走到廚房門口，問：媽咪，係咪我高咗，你就老咗？
媽咪回答說：係呀，你高咗我就老咗。
女兒追問：點解咁既？
媽咪說：係呀，人生係咁架，一日一日長大，漸漸就會老去。
跟女兒的一席話，媽咪竟有說不出的感傷：不是怕自己一天天老去，或者，是捨不得孩子此刻的赤誠與單純吧。。。。。。