出位言論

近日，女兒多番出位言論，往往令人啼笑皆非。有些已經忘記了，另一些趁有記憶，得好好記下：
－－你跟我出黎
先幾天黃昏，爹哋回家後不久，待在廚房跟媽咪閒聊。女兒忽然非常熱情，甜絲絲的牽著爹哋的手說：你跟我出黎丫。
媽咪以為她記得自己說過，煮餐時廚房危險不可逗留，所以便領爹哋出去；爹哋則以為女兒老半天沒見自己，想他多陪一會。而原來，大家都諗多咗！
女：爹哋，媽咪頭先話唔識整部機，你幫我整丫。
話說媽咪不懂操控那部新碟機，未能成功播碟給她看，爹哋回來後，她便忽爾痴纏。

－－Bless you
女：乞痴...bless you
媽：你應該講excuse me唔係bless you。
翌日。。。
女：乞痴...
爹：Bless you!
女：你應該講excuse me唔係bless you呀！

－－冇著褲
媽咪鮮有穿短褲外出，昨天黃昏往沙灘去，則短褲上陣，去程時如常坐在女兒身旁。車子上，她打量了兩眼後問：媽咪，你做乜冇著褲出街？

－－冇嘢格
晚餐時，雙親問女兒：你想食兒童餐定pizza？
女兒當下堅定地說：pizza！
下單後，她卻變節：我想食兒童餐。。。（同一句話，重複了十次以上！）
飽餐後，爹：頭先叫咗pizza你又話要食兒童餐，你話呢Ｄ係乜「格」？
女（語帶輕佻）：冇嘢格！

－－大肚腩
是日外出時，當電梯門打開，女兒仔細打量了迎面而來的嬸嬸。我們走出去了，而對方則進入電梯。當電梯門緩緩關上時，女：點解佢。。。有個。。。大肚腩架？
爹娘大驚，異口同聲道：唔可以咁講嘢架，咁係冇禮貌。。。
二人同時望望門子，唯有希望對方聽不到這番話。

－－大媽橋
近來，女兒對橋很有興趣；昨晚行經了汀九橋，今日我們走了昂船舟大橋和青馬大橋；每走過一條橋，媽咪都會告訴她那條橋的名字。是日回程時，女兒忽然大聲說：呢度係大媽橋！
原來她想說青馬大橋。