令人勞氣的甜心寶貝

咱們家的小丫頭，非常「爛玩」。
是日上午，正當媽咪在清洗浴缸時，她多番入來問：媽咪，洗完未？我想同你玩！
忙了一兩個小時吧，整個浴室都立立令了，媽咪便拖著疲憊的身軀軟攤在梳化上，她再次說：我想同你玩泥膠。
媽咪指著右手說：呢隻手刷洗太耐，好攰，無力玩泥膠喇。
甜心小寶立時探頭向前，問：係咪呢隻手唔舒服？
媽咪點頭道：係啊！
小嘴旋即啜了媽咪的手一下。
然後，她指著媽咪的左手繼續問：咁呢隻手係咪舒服架？
媽咪「不虞有詐」，答曰：呢隻手唔使刷刷刷，所以冇事。
她立時興奮地說：咁你呢隻手玩泥膠丫！
。。。。。。
晚上十一點多了，女兒第三度落床表示要上廁所去，她大吵大鬧的說好急好急，媽咪沒好氣只好再次陪去。她今晚明顯不累，躺回床上之後仍不斷說這說那。
媽咪大喝一聲：瞓覺喇！
小丫頭雙眼一個流轉，似乎沒料到媽咪會發火，她字字鏗鏘的說：你－做－乜－事－勞－氣－架！
頓時，媽咪幾乎卡一聲笑了出來。
勞氣－－她連勞氣都明白是甚麼意思！