親人

晚飯前～
女兒安坐在梳化上，把兩個小娃娃左擁右抱，然後說：佢地係ｆｒｉｅｎｄ！
爸：咁我地係咪ｆｒｉｅｎｄ？
女：我地唔係ｆｒｉｅｎｄ，我地係親人。
媽咪在廚房內聽得分明，欣然覺得她又長大了。

蓋著被子坐在梳化上，真寫意！

吃飯前，她萬分期待那杯甜品

婆婆送給她的水果奶凍，三口子同分享

臨睡前，小丫頭如數家珍地說：公公啦、婆婆啦、姨姨丈丈、ｕｎｃｌｅ　ｂｅｎ、大表啦。。。佢地都係親人。。。大表個媽咪都係親人。
媽：你係咪想話二表個媽咪、二舅母？大表媽咪你未見過架。
女：未見過？
媽：係呀，佢唔係度喇。
女：唔係度？
媽：係呀，佢去咗天堂。
女：天堂係咩？
媽：有Ｄ人相信，人死咗之後會上天堂。
女：死咗？
媽：係呀，佢病，跟住死咗就上咗天堂。
是夜，應該是首次向女兒說及死亡。