我vs你

女兒的代詞運用（即我和你），過往仍未算掌握得太好，有時總見她亂用；是夜，卻忽然突飛猛進似的。
對話一：
女：我有d咳，你有冇咳呀，媽咪？
媽：我冇咳喎。
女別過頭來問：你呢？你有冇咳呀，爸爸？

對話二：
女拿著手提電話，語氣有點急促，道：你架，你架，部電話你架，爸爸。
爸：係係係，部電話我架。
女：咁你拎住丫，爸爸。

對話三：
（媽咪在廁所內）
女敲門
媽在門後應道：點呀？
女續道：我搵你呀，係呀，我搵你呀，媽咪！
媽打開門，問：咁你搵我咩事呢？
女：瞓覺喇，我搵你瞓覺喇。
說罷，她便一手拉著媽咪入房去。
哦！原來要找陪瞓專員。