雞同鴨講

目前來說，媽咪應該是全世界最能理解小丫頭說話內容的人，不過，有時仍然會雞同鴨講的。
話說昨晚。。。
女：媽咪，良仔響邊度呀？
媽心底不停想，你應該無同學或朋友叫良仔丫，咁親切，叫邊個呢？便追問：良仔？邊個良仔？
女重複道：良仔呀。
媽亦複述說：良仔呀？定你想話亮亮？
這個女兒，理解到媽咪無法領略她的說話，嘗試多給一點線索：良仔呀，cow、咩咩呀。
她這句「cow、咩咩」果然給了媽咪重大的啟示：哦，你想話羊仔，羊仔呀嘛！
原來是說之前在餐廳內見到的那隻活山羊。
媽大笑曰：山羊係 goat唔係cow呀。

又話說有次。。。
女：媽咪，我想查謙。
媽：查謙？乜野係查謙呀？
女：謙呀、查謙呀。
媽R爆頭中，女兒便嘗試轉換她的說法：lotion呀。
哦！明晒：搽cream。

仍在學說階段的女兒，有時發音不準，加上她有時興之所至又沒頭沒尾的一句話，真會考起媽咪。但媽咪心底由衷佩服她，會從不同角度去轉換表達方式，令彼此達到溝通果效。