個性與氣質

女兒無時無刻都在發出大量噪音，頻率高得往往令爹娘精神緊張，難以忍受。

媽：你好嘈啊，成日影響他人！頭先踩開垃圾桶時將個蓋咁大力撞牆撞到嘭嘭聲，佢會爛架。而家你D刀刀叉叉，又不停咁撞碟。

爸：如果有Ｄ餐桌禮儀班，你真係好應該去讀下。

女：我好鍾意發出Ｄ聲啊，好有安全感。

媽：你自己一個住唔影響其他人我就唔會理你。

女：我先唔會搬啊，呢度有人煮埋嘢比我食！

媽咪斜啤了她一眼。

半响。。。

女：仲有就係，呢度有你地嘛。

她的雙手做了個懷抱的動作，眼神靈光閃爍，再古惑地笑著說：呢句一定要講既！！

在細味了她剛才的話一次後，她這是真情或假意，媽咪還是心知肚明的。

媽：我要記低你頭先講既嘢。

這個孩子，說話的技巧以至思想的複雜性都愈來愈高了：各個細微動作和表情，都顯示著個性和氣質的變與不變。