在香港的親人這天分享他們於超市以三十多元購買了三盒藍莓，遠低於正常價格。
晚餐時，媽咪透過藍莓討論起消費來。
媽：如果我地本來只打算買一盒藍莓，我假設係廿幾蚊，但超市透過減價吸引我由想買一盒變成買咗三盒，好抵係咪先？不過，我本來只打算花廿幾蚊，而超市則透過賺取我既「消費者盈餘」而賺多咗我錢，變相我其實洗多咗十幾蚊。超市永遠係為咗賺我地最多既錢，所以佢成功咗。
爸：但我地有三盒藍莓，每人都食多咗喎。
媽：係啊，但佢由原本我只打算洗廿幾蚊而變成洗咗三十幾蚊，如果我一早打算買三盒又咁啱佢大特價，咁我就係洗少咗錢。
見女兒不解，媽咪舉了另一例子再闡述：你原本有個好想買既公子要廿幾鎊，但玩具店呢排特價，三隻公仔一齊買只須三十幾鎊，係咪好抵先？
女：我用好平既價錢就擁有咗三隻公仔喎。
媽：Ｄ公司減價往往係為咗清舊貨甚至係滯消貨，而原來呢三隻公仔都唔係你鍾意既款，結果你洗多咗錢之餘，仲無買到原本鍾意既公仔，咁囉。
女：唔鍾意極都實有人鍾意，咁我可以拎去賣嘛。
媽：你好聰明，但你講緊「貿易」，即係透過低買高賣來賺取利潤，而唔係我同你討論緊既一般消費者行為。
事後媽心想：這孩子似乎有點商業頭腦，說不定將來在商界會有點成就，哈哈～
較新的文章
