好好愛自己之三思而行

跟女兒看電視時，節目內有人提到「三思」。

媽：你知唔知乜嘢叫三思？

女：唔知啊。

媽：字面係叫我地做嘢之前要有三次思考，實際係叫我地做事前先停一停諗一諗，唔好咁衝動。

在跟她談論三思之前，這孩子又因衝動而把媽咪「好好愛自己」活動內所派獲的物資弄得一團糟。

媽：原本D幼鐵線一條條筆直地放在枱上，但你就屈到佢地彎晒，你做之前有冇三思？

女：我諗咗四次喇。

媽（無奈地)：諗咗四次，你都控制唔到自己既衝動。。。

還未說畢，孩子便一口噬向媽咪的衣袖，是她對抗對媽咪批評的即時反應。其實也不算痛，但也得趁機矯正。

媽：嗱，有冇三思？

女：我已經諗咗兩次架喇。

嗯嗯。

另，感謝機構，日前特意再送來永生花材。導師透過網絡教授我們製作小花束，是很療癒的一小時。