青少年中心為推廣暑期活動，以極低廉價錢給孩子們試玩各種活動，而媽咪為女兒選了陶瓷拉杯課。
嘿嘿，人鬼情未了。
女兒知道媽咪替她報名後，不斷說：得一堂咋？我想玩多幾堂呀！
（試堂咋，小姐。）
和軟泥有關的手藝，她一直情有獨鍾，而這是相對高階的拉杯課，加上暫停課外活動太久，可以想像她有多興奮了吧。
下課了，看著女兒的作品，又真係似模似樣喎。
導師走過來，清楚說出了咱們女兒在陌生環境中的一些特質：佢好靜，成堂都無出聲、做嘢時好怕自己出錯，但係佢好專注（鍾意既嘢係好專注架！），而且成班（六人）之中，我可以話佢係做得最好、最穩定既一個，即使有一兩個小朋友跟過我上堂，都冇佢做得咁好。
媽咪聽畢，一方面對女兒表示讚賞。另一方面，更訝異於導師竟然能在短短一小時內，既授課又能觀察到孩子的行為表現，勁！
然後，媽咪確定給孩子報這個暑期班了。
回家的路上，孩子津津樂道，分享她在課堂上的大小事情。聽她娓娓道來，顯然上課時非常用心學習。
她忽然欲說還休似的，斷斷續續地說：我唔係想認叻，但有Ｄ小朋友明明跟過阿ＳＩＲ上堂，但我覺得自己第一次做，都好似仲好過佢地。
媽咪莞爾而笑，說：兩方面啦。一，大家投入既程度可能唔同。二，有Ｄ嘢可能天分唔同。
是的，媽咪認為女兒在這方面既投入亦總算有天分。那好吧，暑期班時好好去玩多幾堂吧！
較新的文章
