芭蕾舞試

早上考芭蕾舞試後，便帶女兒回學校去。
放學後，孩子有點不開心說：個個同學都話我個樣好怪！
考舞試必須盤髮髻，額前所有流海都要梳得油油亮亮，同學們應該是看不慣她這個模樣上學去吧！
媽咪對她說：你有幾個同學都有學芭蕾舞，佢地未考過試咩？你應該理直氣壯同Ｄ同學講，考跳舞係咁架喎！
女兒忽然說起當她進入課室時，同學間起了一陣哄，於是中文老師著他們不要八卦。
媽咪心生好奇，問：老師同佢地講ｂｕ　ｙａｏ　ｂａ　ｇｕａ？
語畢，惹來女兒大笑，說：邊係咁講架！老師話ｂｕ　ｙａｕ　ｄｕｏ　ｓｈｉ！
然後，媽咪刻意複述ｂｕ　ｙａｏ　ｂａ　ｇｕａ多次，給她製造喪笑的機會。考完舞試後，媽咪一直沒有問起她可滿意這天的表現，畢竟是興趣班，不想給她太大壓力。但趁她笑得開懷，還是不經意地攝了一句問：今朝你覺得跳得滿意嗎？
女兒憂憂地說：其中有一度甩咗拍子，差咗兩拍！考試場地同平時跳開果度空間好似好唔同，好似大咗好多，我要行大步咗，然後返唔切黎。
她能清楚說出自己何以犯錯，媽咪覺得其實很難得，也安慰她說：唔緊要啦，你盡咗力去做就好。
不過，明明她上月去過這裡考Ｍｏｃｋ的。
嗯嗯，不打緊了，學習課外活動，反正就是想她找到自己喜愛的事情，也調劑一下沉悶的課業，何必令自己太大壓力呢！