濕地樂遊遊

臨近聖誕假期，這星期一連三天都沒有課要上了，先來兩天全方位活動日。
是日早上是小一全級遊濕地活動。

早幾天已知今天天氣寒冷，送女兒上校車後，媽咪查看過濕地公園實時氣溫：是７度！
呵呵，凍，也許會令孩子們整個行程更難忘！況且遊濕地只大約逗留兩小時，小孩子蹦蹦跳跳自會產生熱能，加上那幾度氣溫，不能算是太冷吧。
家中沒有純黑或純深藍色的冷帽，媽咪提議她戴自己雜色的冷帽子，但她相當遵守校規而拒絕了。 樓下畢竟風大，只好請她拿出收藏在大棉褸後的薄風褸帽暫頂替。

包到冚

除了給孩子穿上足夠的禦寒衣物外，媽咪也預早買定個朱古力口味能量棒，想給她補充體力，豈料，出發前一兩天：
女：媽咪，老師話唔可以帶朱古力呢Ｄ冇益嘢，帶少少有益既小食去濕地就得。
媽：哦。
（滿以為女兒認為朱古力食品不太有益而不吃。。。）
女：既然唔帶得，不如而家食咗先啦？
媽：。。。。。。

遊濕地之後。。。
女：原來小灣鱷貝貝今年十八九歲。我個同學問個導賞員貝貝幾時生日？佢話唔知。咁同學問佢點知貝貝幾多歲？
媽咪心想：原來小一生已經識得問這種問題！
女：導賞員話獸醫同佢地講貝貝大約幾多歲架。

晚上洗澡接近尾聲了，女兒要求要多淋熱水片刻，而媽咪正巧要替她拿點甚麼，天氣寒冷，便沒拒絕她說要多數一百聲才關水喉的要。
當她數到八十吧，媽咪再次進入浴室。
女：其實咁樣淋水好嘥水架，會令到濕地無晒乾淨既水！
媽：今日導師同你地講架？
女：係呀。
女兒一面說一面自行關上水龍頭。看來，今天的探訪稍稍改變了她的一些價值觀。
很好很好！ 希望她之後亦可提醒自己要愛護地球。

臨睡前，女兒要求一起畫圖畫創作故事。
女：你知唔知貝貝鍾意食乜？
媽：魚？
女：魚係佢既朋友，佢唔食同佢一齊住既魚架，因為佢地會幫手清潔貝貝既浴室。
媽：哦？咁佢最鍾意食咩呢？
女：係雞肉。
說著說著，女兒在圖畫紙上畫了個雞髀。

她眼中的小蟹、彈塗魚和小灣鱷貝貝

女：媽咪，你知唔知原來有Ｄ蝴蝶係有毒架？
媽：係喎，可能令佢地Ｄ敵人唔敢隨便食佢地。

在此之前，我們也帶過她去濕地公園五六次，但這一次，看來她學了不少新知識！