三則童話

四歲半的孩子，說話有時會叫人啼笑皆非。
其一
媽在廁所內洗手，女兒好心給開了燈－－
女：我同你開燈，你有冇講唔該？
媽：咁光，唔使開燈啦。
女：我幫你開咗燈，你就要講唔該！
媽：我都無叫你開。
女：總之你要講唔該啦！
（點解要迫我開燈同講唔該呢？？）

其二
嫲嫲送了包漂亮的紙巾給她，吃飯時媽咪順手拿了一張自用，這丫頭欲拿之來抺嘴－－
媽：呢張我用架，你拎另一張啦。
女：你拎我Ｄ嘢，你有冇問過我？
媽：乜你咁自私架？
（但想深一層，其實她沒錯的，呵呵！）

其三
自一歲多之後，女兒明白了不同指令，自此可以做做跑腿的工作了。不過，孩子開始長大，沒從前般單純。
女兒才把食物包裝紙掉到圾垃桶－－
媽：可唔可以幫我掉埋呢張紙？
女：可以。但點解你頭先唔俾埋我？
媽：咁我頭先未食完嘛。
女：咁你「趙趙趙」趙快D嘛！
(相信，不久的將來，媽咪便不再有個好使好用的小跑腿了，嘿！）