珍惜不珍惜

外出遊玩良久，忽發現原本夾在女兒頭頂的髮夾不見了。

滋味地吃著「呃細路姆明兒童茶餐」時，髮夾已不翼而飛

媽：你拆咗隻夾咩？
女：冇呀。
媽：咁去咗邊？
女：唔見咗。
媽：吓，咁點算？
女：唔緊要啦，屋企有咁多隻。
對於女兒竟有這般的價值觀，媽咪非常失望。。。
媽：唔係唔緊要架，你咁諗係好錯！唔係有好多就等如你可以唔珍惜自己既嘢。。。（下省數十字）！
這一代，物質太豐富了，一般家庭的孩子所擁有的，往往已遠超他們所需。遺失了自己的物品，女兒不單完全沒打算嘗試尋回，一切更都說得這般理所當然地淡然。
回到車廂時，她發現原來髮夾不知何時丟了在地，便立時遞給媽咪看。媽咪心底有點安慰：可愛的小夾子總算尋回了。顯然，媽咪比女兒對髮夾的感情更深。

爹哋聽罷媽咪因女兒不懂珍惜而鬱悶的事，口述起先兩日的歷史來：
正當媽咪在廚房煮餐，爹哋便又努力收拾女兒把家中兜亂了一切的殘局，順手試圖丟掉她剛才拆下的一些零碎雜物。
女：爹哋，你想丟D乜？
爸：呢條帶囉，你頭先拆出黎又四圍擺。
女（教訓道）：唔係乜都要話丟咗佢，我地要珍惜Ｄ嘢架。
　
看來，媽咪怪她不懂何謂珍惜是錯的，她只是未懂如何在日常生活中彰顯出來。簡單來說：她有口話人，冇口話自己！