管家婆

近來，女兒總發揮其管家婆本色。
比如說，爹娘一直都提醒她：食飯時要專心，要趁熱吃。
某次吃飯時，爹哋正在翻查手機中的資料。。。
女兒學足爹娘口吻：爸爸唔好睇電話啦，食飯喇，凍晒喇！
另，
咱們家多半以舊報紙墊枱吃飯，媽咪通常會順便看看報章上的新聞／文章。。。
女兒出口教訓道：媽咪唔好睇，食飯啦。
媽咪一心想看完那段文章，而女兒竟出手掩著報紙，說：快d食啦！
媽咪無可奈何：係！知道。
又，
冬天在家都替女兒穿上外套，晚上陪瞓時，媽咪便先脫下她的外套。有時仍未做完家務，為免自己陪瞓時太舒服而入睡，媽咪總會挨著身子在床頭陪著小丫頭，外套自不會脫下。
昨晚。。。
女兒笑容可掬地說：媽咪，你未除外套啊，呵呵呵，媽咪唔記得。
媽咪有點唯唯諾諾：係呀，未除外套。
女兒語氣帶點命令式：媽咪除外套啦，好夜喇，要瞓喇！
媽咪沒好氣：得啦，著住得啦。
女兒語氣有點急促：除外套啦，媽咪瞓低丫，瞓覺喇。
媽咪息事寧人道：好好好。
陪瞓這回事，其實很悶人：整間房烏燈黑火，又要盡量減少回應女兒的說話，以期她早點入睡，有時媽咪也得翻翻手機來解悶。之但係，管家婆又豈會不干涉？！
從前，她都不過是說：媽咪，唔好睇電話，瞓覺喇。
近來，小傢伙已進化到在說此話的同時，小手已按著電話頂的開關鍵，便一手熄機了。