撩交打

女兒正在播放一些她很喜愛的流行歌曲，向媽咪熱烈推介並猛說：好好聽架！

便留意一下她正在聽甚麼歌，只聽到歌詞不斷重覆ｔａｋｅ　ｍｅ　ｈｏｍｅ，便好奇地問她：首歌講咩架？點解猛話ｔａｋｅ　ｍｅ　ｈｏｍｅ？

有人回應道：你知啦，Ｄ ｔｅｅｎ　ａｇｅ好鍾意離家出走......

媽咪眉毛上揚了一下，追問：真係？咁點解你唔離家出走?

女：而家咁凍，梗係唔走啦。

媽：之前夏天又唔走？

女：太熱都辛苦架！

媽：咁幾多度係合適溫度？

女：廿三點五啦。哈，我先唔會咁笨離家出走呀！講番首歌先，Ｄ歌詞內容我剛才亂講架咋，等我上網睇下Ｄ歌詞先。

半晌，媽咪切水果給大家吃時大意，差點被刀割傷。

媽：好在把刀冇初初買時咁利，否則就受傷喇！

女：有冇諗過係你D皮厚咗？

媽（大笑）：衰女丫！

女：粗糙的手，哈哈哈！

新正頭，這個孩子又開始撩交打了，嘿～