早餐對話

 吃早餐時：

媽：今日星期二，放學後有Cｈｏｉｒ？！

爹：佢肯定唔去啦，考緊試，Ｅ放學後就會返屋企溫習。

女：係呀，佢唔去所以我都唔去。

爹：佢唔去你都可以自己去架嘛，反正你都唔溫習。

媽：無伴佢肯定寧願返屋企啦。

女：梗係啦，我係要ｆｒｉｅｎｄ，唔係要ｃｌｕｂ。

爹：唔係朋友做你又做架嘛，唔通朋友吸毒你又吸咩？

女：咩呀，你咁誇張架，講緊課外活動咋！

（媽咪忍笑中）

爹：朋輩影響嘛，唔通人地自殺你又走去自殺咩！

女：我睇咗個笑話，有個阿媽問佢個仔會唔會跟人去自殺？佢話唔會，因為佢係一個ｌｅａｄｅｒ　唔係ｆｏｌｌｏｗｅｒ。

我們作家長的，當然明白以孩子這年紀，朋輩的影響性及重要性巨大。目前所見，女兒最要好的朋友都很有家教且相當純品（而且成班港女，幾乎個個都學霸級，嘿～）。不過，隨著社交圈子不斷擴大，加上每人各有際遇，只寄望我們女兒在重視朋友之餘，都要有自己的批判思維。