從家電到手機

  一年多前初到埗住的香港人村，租金較同區物業明顯高昂，不過，單位內總算配備了優質的傢俬和電器等。

搬家之後，前屋主留下的入牆式原裝電器，都是相對大眾化的品牌。

我們的洗碗部董事長說：呢部洗碗碟機Ｄ間格冇之前嗰部咁好用，大牌子即係大牌子！

總廚回應道：無計啦，之前用最頂級電器，而本屋苑原裝配置只屬中價貨色，無得咁比較。一開始用慣好嘢，真係返唔到轉頭。

然後，有人搭訕道：係咪好似我用電話咁，唔可以一開始就用最新型號？

嘿嘿，女兒總算明白了個大道理。