有女初長成

如果要數落自己的孩子，相信許多家長可以不加思索便說出一大堆來。不過，作為一個時刻提醍自己要好好欣賞咱們丫頭的媽咪，則發現她近日有好些思想成熟的表現。

唧牙膏比賽

昨夜睡前，她分享了校內一個小遊戲，認為這似有點無聊但又很有意思。她的開場白說：你知唔知有D牙膏賣４５Ｐ（目前兌換率計，大約就是港幣四元）？

媽咪說：我見過最平都６５Ｐ喎。

她繼續說：老師搵咗四個同學出嚟比賽，要鬥快唧晒每人手上支牙膏，勝出者可以得四個ｈｏｕｓｅ　ｐｏｉｎｔ，平時D遊戲無咁多架，呢個遊戲好抵！

（媽咪心想：老師有點浪費喎）

她發表自己的偉論，說：我本來覺得好無聊，鬥快唧牙膏做乜，但原來老師好有意思。Ｄ同學搏晒命，真係唧得好快，跟住老師叫佢地鬥快將牙膏塞返入去還原，大家都發現好難。老師話就好似我地衝動時就好易發出嚟，但事後要還原就好難，佢希望我地升上中學後都要記住！

聽她說罷，媽咪心底感動：老師透過這個小遊戲，啟發了畢業班孩子們一個大道理。

石頭記

是日搭火車到倫敦市遊玩，車程中，女兒從袋子裡拿出一顆手指甲般若的小卵石來，說：你睇下，呢粒石仔係ＩＯＷ帶返嚟，係我最鍾意既一粒。佢好靚，表面好似好圓滑，但細心睇，其實又有好多凹凹凸凸既地方，就好似每個人咁，都有自己唔完美既地方，而且每一粒石都唔同樣，獨一無二，所以我近來好鍾意執石仔。

她訴說著對世界的感受，也理解到每人的獨特性。對於縱觀世事萬物，她已經會灌以許多不同的價值和意義。

這位小少女的心思開始縝密，吾家有女初長成。