十歲的小故事與大道理

記對話二則。

其一

清晨六點幾，女兒竟然醒來了，便立刻走到媽咪床前撒嬌。

回帶ｍｏｄｅ：昨晚十點幾，爹娘已多番提醒要去睡了，但有人一直當耳邊風。媽咪於睡房內悄悄地觀察這小鬼有否自覺要入睡，但顯然是高估了她的自制能力。於是，我們先把房門鎖上，再利用手機遙距關電視。

女：尋晚你地遙控熄咗我電視，出面好黑我好驚，想入黎搵你，但你又唔理我。

媽：你仲好講！我尋晚以為你會自動自覺去瞓覺，原來唔會既，好失望！

女：唔好失望啦，尋晚已經過去咗喇，我地要忘記背後，努力面前的啊！

哈哈，十歲，行為有時仍很ＢＢ，但有時竟然會講人生大道理了。

其二

既然早起了，父女倆便一起創作森林故事。

女：......咁我地之後見到咩動物？

爸：係土撥鼠啊！

女：唔好土撥鼠啦，唔夠威武，搵隻勁D啦！

原來十歲的人兒去創作故事，會有這些考量。